المناهج كلها مشتاقة لك !!

نائبنا الجميل "بُعيد" الفاصل فيصل الدويسان صرح انه مستهدف امنياً وهناك من يريد ان يعمل له السحر عن طريق مشعوذ ايراني يعمل في مصحة نفسية .. !!
http://www.alraimedia.com/Alrai/Article.aspx?id=145289


وبعدين سبحان الله علشان طلع ايراني وشيعي صار "عالم جليل"وسره باتع والريال ما سوى شي سوى انه قعد يدعي للدويسان ينجح بالانتخابات .. !! الحين بس عرفت شلون نجح فيصل الدويسان بالانتخابات مو عن طريق فتوى كان يفتر فيها على الدواوين وتجبرهم يصوتون له ويأيدونه لا هذا كلام فاضي وكلام ناس تبي تخفي النجاح الباهر الي اتحفنا فيه رئيس لجنة الظواهر السلبية .. !! اتضح ان سبب نجاح الدويسان في الانتخابات هو دعاء العالم الايراني الجليل الي مخالف قانون الاقامة .. !!
http://www.annaharkw.com/annahar/Article.aspx?id=156321

المناهج خط احمر !!

طبعاً هذي راح تكون سالفتنا بهالصيفيه خصوصاً للأخوان الي مثلي ماقدروا يسافرون الى الأن , المناهج اعتقد مافيها شي يمس العقيدة الاسلامية من تحريم الطواف حول القبور والتقرب الى الله عبر زيارة القبور هذا امر مفروغ منه ولا يختلف عليه مسلم عاقل , ولكن لأن هناك من يقتات على الطائفية امثال مستر فاكس وغيره من النواب فأعتقد انها ستكون مشروع ازمة كـ "العاده" واحنا شنو ورانا غير الأزمات والضحيه طبعاً راح تكون خالتنا موضي الحمود فهي ان عدلت كلتها هايف والطبطبائي والحربش "اثابهم الله" .. وان ما عدلت كلتها عاشور والمطوع والدويسان طبعاً "ق س" جميعاً .. فننتظر شنو يصير عليها .. وستكون لنا كلمة "بُعيد" القرار .