اذا صح الخبر ان الاحالة للنيابة في قضية الاعلانات الانتخابية "فشنق" اعتقد ان مجموعة الـ32 في موقف لا يحسد عليه !! شنو راح يكون ردهم وهم الي اذونا بالتصاريح "الوزير احال الموضوع الى النيابة واجراءاته سليمة ميه ميه" شنو راح يكون تعليق ورد المعارضين لطرح الثقه خصوصاً محامي الحكومة الاول "بيكمون" الي تباكى على الدستور وكرر "دستو في بطن الدستور" كأنه معجب بالجملة جداً وحب يشاركنا الاعجاب ..!! ومحامي الحكومة والخرافي "سندباد" الي يقطع رحلة علاجه فداء للوطن ويأدي مهمته ومأموريته ويرجع يعالج ..!! ابلة سلوى اللي ما ادري شنو تبي بالضبط وتدعو النواب عدم الانسياق وراء "الشارع" وتناست ان هذا الشارع هو الذي جعلها تتكلم بأسمه وتمثله !!
هل هو ضحك على الذقون ؟؟ ام استهزاء بالشعب ؟؟ حيث كانت حجة من وقف مع الوزير ان الموضوع في يد النيابة حالياً ولا يوجد سبب للمسائلة السياسية .. واذا كان لا يوجد لا نيابة ولا هم يحزنون !! من سيرجع الـ 5 ملايين ؟؟ .. هل نعتبرها صدقه ؟؟ تصدق هذا الشعب كثيراً على دول لا نعرف اسمائها حتى ولا عزاء لطلبات الاسكان !! نسميها مثلاً دفعة بلاء ؟؟ ولكن البلاء في ازدياد ولم يشفع ما قدمنا من قبل وحلت علينا لعنات وغزو ونيلة !! نسميها هبة ؟؟ الهبات تتناثر يميناً وشمالاً ولا عزاء للمقترضين !! الحل في ان نسميها "كادرا كدبرا" وهي الانسب مع صورة الوزير اعلاه !! اي انها اختفت بحركه يد خفية مفاجأة !!
اتمنى من كل قلبي ان لا يكون هذا الخبر صحيحاً .. كفاية "خوازيق" !!
هناك 16 تعليقًا:
اعتقد ان الحكومة في ردها على الموضوع (هذا اذا ردت) ، ستضع النواب الـ 32 في موقف اقل ما يقال عنه انه محرج، وكالعادة في وقوفها مع من يقف معها، راح تقطهم صخر وتبيعهم جملة على الطلب
سماسم
كفاية كفاية
ضيقة خلق ترا لاعت خشمي من الموضوع ..
بس ال23 في موقف لا يحسد عليه ابدا :)
اذا كان صحيح
الله يرحمك يا خالد النفيسي ، صرنا أردى من جزر الأباطور !
إن صـح الخبـر
تعتقد النواب ال32
بيتفشلووون
لا وحيــاتك
ذيل غاسلين وجيهم ب؟؟؟؟؟؟؟
مايهمهم شي عـــادي
ولا في حاجه حصلت يا بابا
:)))
فكر فيها .. وقلبها بمخك
راح تشوف ان الموضوع وهو صحيح (عدم إحاله) اقرب لعقولنا من أن يكون خاطئ
لأن هذي حكومتنا ونعرفها من سنين !
هذا اصغر خازوق
علشان جذي يعور
الصورة تعبر
سلوى مسكينة
مودلس
ليت الـ 32 يتعلمون .. !! ما يدوم من باع الشعب لأجل الحكومة والتاريخ حافل ليقيسوا عليه .. !! ولكن لا حياء ولا حياة لمن تنادي !!
ليتهم كانو 23 جان ارتحنا :)
النفسيه حدها متشائمة والجو غبار والبورصه نازله .. يعني لوعة خشم صح :|
بو بدر
الله يرحمك يا النفيسي :\ قالها ابو صالح وابو صالح صاج
يوم اخر
والله من ناحية غاسلين فيساتهم بمرق فهم كذلك .. والمصيبه انهم يدرون عن رد النيابه قبل جلسة طرح الثقه يعني "مصلعه" !!
بلوقر
احاله شكلية بس لا ادلة لا متهمين ولا شي
يعني انا اقدر احيلك للنيابه بدون ما اكتب شي بس اقول حولته لكم بدون مااكتب ليش ومنو انته وشنو مسوي ... الخ
اكيد النيابه بتقولك سنع وزارتك !!
فريج سعود
لا والله هذا اول خازوق بالمجلس هذا لسه فيه كودة خوازيق جاية !!
باش مهندس
من جنه يقول "كادرا كادبرا" ؟؟
حلم جميل
مو مسكينه انا اسميها "النائبة التايهه" .. بالضبط ما تدري شنو تبي !!
إرسال تعليق