8‏/6‏/2009

مينون خيطان

في انتخابات 1999 م وتحديدا في الدائرة الثالثة ، كانت الدائرة آنذاك معروف عنها انتشار شراء الاصوات ، وكان سعر الصوت في بدايه حمله الانتخابات يبدأ ب500 ويصل الى 1500 يوم الانتخابات .
.
معروف ان الساعة 8 تغلق ابواب المدارس المخصص اقامة الانتخابات فيها ويقتصر التصويت على من هم داخل المدرسه بعد ذلك يبدأ الفرز .
.
بعد ان اغلق باب مدرسه انس بن مالك المخصصه كمقر لانتخاب الرجال جاء احد الناخبين متأخرا ، وكان بايع صوته وخالص ، فوجىء بمفاتيح احد المرشحين متحلفين فيه .
.
خيروه بكل عدل وانصاف مابين ان يقفز سور المدرسه ويصوت او ان يرجع الفلوس .
.
قام السيد بايع صوته وتلثم ونط السور ومن ذاك اليوم كل ما تقرب الانتخابات الناس بخيطان يتذكرونه ويضحكون .
.
ولكن المضحك لي انا وللكثير غيري ان هذا السيد الي بايع صوته اليوم عضو بمجلس الأمة .
.
والمؤسف انه يتحدث عن استجواب لم يطبع ولم يقدم ولم يطلع عليه احد يقول السيد المحترم ان هذا الاستجواب غير دستوري .
.
كيف حكم انه غير دستوري حقيقة سؤال جدا محير ..؟
ربما رجع الى خيطان وزار احد قراء الطالع والقى نظره على جلسه الاستجواب قبل زملاءة وحكم عليه !!
.

هناك 10 تعليقات:

بو ضاري يقول...

ادري انك ماقلت اسمه
اتصور انه المطوع ؟ مع انه يمكن مو بخيطان ؟
هذا اللي فاز بالغلط ؟

حسافة و الله يفوز هالنوع من الكائنات و يخسر المطر او النيباري

و ذاك اليوم متهاوش مع سكرتير لجنة بالمجلس !
و قبلها قام يخورها يوم طب بمناهج المدارس !

حيلكم فيه

Blog 3amty يقول...

منو؟

أبو الدســتور يقول...

شكله دويسان

ههههههه

الله يهداك بس ماقلت الا للكويتيين
الحين شلون ينامون الظهر

يحبون الفضول اكثر من اسمهم

ma6goog يقول...

حط اسمه

النائب الشاقح

bo bader يقول...

انزين كل هالخبرات ليش ما ذكرها بالسيرة الذاتية
CV

القفز على الأسوار وبيع الصوت خبرات مهمة لازم ناخبيه يعرفونها

على الأقل علشان يحسنون الإختيار !!

====

الصافي ، علمنا منهو ؟؟

بوعبدالله يقول...

معقوله للحين ماعرفتوه؟؟

مابي احط بذمتى..

العضو فايز بالدائره الأولى وفوزه كان "مفاجأه"..

هاه؟ عرفتوه؟

انزين..

هالعضو شارك ببرنامج من سيربح المليون .. ورفع قضيه على جورج قرداحي..

عرفتوه؟؟

بس ماقدر اقول شي بعد انشاء الله مو بذمتي..

غير معرف يقول...

عفوا أخوي (انشاء الله ) ما يجوز نكتبها جذي
لازم نكتب ( إن شاء الله )
آنا بعد كنت أطيح بهالغلطة قبل
ويعطيك العافية :)

t.q8 يقول...

منو ؟؟؟
قولنا اسم تدري ان فينا لقافه وطفاقه
ولازم تعرفنا بمواهب هذا المرشح لان ماعتقد ان في احد غير عنده الموهبه الفريده !!!

انور عبدالله - القصر الأحمر يقول...

كلامه صح مسلم البراك

شلون يحكمون على الاستجواب قبل لا اشوفونه

Enter-Q8 يقول...

الزميل بو حامد تصحيح للمعلومة مجنون خيطان ليس العضو الحالي
العضو الحالي اللي بالدائرة الاولى
عندي واحد اتمنى انه ينزل بالمجلس الجاي و يكون وياه العضو الحالي
شوف قسما بالله قسما بالله راح تلاقيه اطرم
لأت شخط فيه تشخط لما قاله ما صارت نبي فلوسنا
كان يخزه خزة و قاله انطم و لا تعلي صوتك لما يجي المندوب و اشدراني انك عطيتنا سينجل
اقعد هناك ياللا