24‏/4‏/2008

كـاريـكـاتـيـر + تـحـالـف + سـؤال


*هذا الكاريكاتير عجبني وقلت انزله على البيعة ولا يقصد به شي ابداً !! يعني لا يروح تفكيركم بعيد لو سمحتو :)

* * * * * * * * * * * * * * * * * * * * * * * * * * * * *

اكدت مصادرنا الخاصة عن تحالف ثلاثي بين فيصل الكندري و علي حمود الهاجري و مذكر ثويران المطيري في الدائرة الخامسة التي تشهد منافسة حامية بين التكتلات القبلية خصوصاً بعد الافرازات الفرعية التي شهدتها الدائرة , والجدير بالذكر ان الكنادرة يقدرون بأكثر من 4000 صوت و المطران يقدرون بأكثر من 6000 صوت والهواجر يقدرون بأكثر من 6400 صوت بالأضافة الى الحضر مناصري الكندري في الدائرة الخامسة وجاري البحث عن مرشح رابع للتحالف مع الثلاثي السابقين, اعتقد ان هذا التحالف سيشكل قلق قوي لبعض التكتلات القبلية وافرازات الفرعية , من وجهة نظري الشخصية المتواضعة اعتقد ان هذه الدائرة ستكون فيها المنافسة شرسة ونتائج غير متوقعة ابداً !!
* * * * * * * * * * * * * * * * * * * * * * * * * * * * *
سؤال اليوم للأخوة الزوار والقراء الكرام ؟؟
المذيع في قناة سكوب الدكتور جاسم الشمري عرفتوه ( اضغط هنا للتعرف عليه ) ؟؟ انا بصراحه اشك انه عنده شهادة دكتوراه ويحمل مثل هذا الاسلوب !! ويذكرني بإسلوب مذيع في قناة الجزيرة , السؤال المطروح للاخوة الزوار والقراء الدكتوراه بتاعة جاسم الشمري في اي تخصص ؟؟ يارب ما تكون فخرية نفس النابغة دعيج الشمري !!




هناك 19 تعليقًا:

Q80 Blogger يقول...

يا عمي الشهادات بلاااااش
اخاف بس كل دكتور صج دكتور

مثل ماقلت من قبل
فيصل الكندري مايملك 4000 صوت
لأنه قاعدته مو بس الكنادره
كثير من الحضر واقفين معاه

ومثل ماكان مكتوب بالشاهد قبل ايام .. انه طلع من مشاورات بين الفيلجاويه والكنادره
http://alshahedkw.com/index.php?option=com_content&task=view&id=7241


بس عندي سؤال صعب
المطيري .. اشلون ينقال اسمه ؟
تره صج صعب

وتحياتي

Q80 Blogger يقول...

ونحن دائما نفتخر بالصدارة :)

صبا يقول...

اشفيه مطلق ؟؟؟

مملوح,,,

اما علي الي ينقاله دكتور اشك انه هذي شهادته ؟؟؟؟اعرفه

kuwaitforus يقول...

هذا اللي صارت عليه مشكله تزوير الشهادة ... عرفتوه؟

Aldenya يقول...

اهو لو يبتسم

ممكن نتقبله

الفضلي أفضل منه

تحس انه متحدث

أما الدكتور :/


نقط نقط نقط

فريج سعود يقول...

يمكن دكتوراه في اثر المقصي على المجتمع

Unknown يقول...

اذا هين يا معود في ناس اخس عادي بمصر تشتريها مشتري

بس التحالف يبدو ان فى الخامسة لاطاحة بقبائل الاكثرية

والصورة تذكرني بملك نيجيريا سنة 500 قبل الميلاد
مشكور يا بو فهد

Mohammad Al-Yousifi يقول...

عاد انا استانس عليه

كويــتي لايــعه كبــده يقول...

الدوك اعتبره فاصل فكاهي او فاصل "و" فكاهي اذا اصح التعبير

احط عليه انا والمدام اذا بغينا نضحك

انت ما سمعت عن اللي يدرسون بمصر والاردن والفلبين وتايلاند؟

يعني ليش؟ لانهم اقوى من هارفرد والا MIT يعني!

جبل واره يقول...

q8i bloger
من ناحية الشهادات بلاش عادي خصوصاً بعد شهادة دعيج الشمري الفخريه وللحين مصر ان ينكتب حرف الدال قبل اسمه !!


صبا !!
بالعكس انا من اشد مناصري ومؤيدي مطلق انترناشونال !! لانه فخر الصناعة الوطنية !! وبخصوص الدكتور اذا تعرفينه قوليله مبروك عرض الاحتراف اللي ياله من الجزيرة !!


kuwaitforus
انا عن نفسي ما عرفته بصراحه .. يا ليت تشرفني بمعرفته !!


الدنيا
مو نقط بس !! قولي طوط طيط طوط طيط !! لأنه من جد "مُنفر" لدرجة كبيرة !!


فريج سعود
لا وانت الصاج رسالة دكتوراه مالته اسمها "الوجه العبوس واثره في النفوس" !!


مشاري
يقولون ديرتنا مافيها كفاءات والدكاترة على آفا من يشيل !!
والتحالفات اصبحت سمة الدائرة الخامسة واعتقد انها راح تسبب شوشره وتقلب النتائج التي كانت شبه محسومه !!
وعاش ملك نيجيريا !!


مطقوق !!
متأكد انه يونس :)

كويتي لايعه جبده
الدوك اعتقد انه اختصار دولكه :)

Eng_Q8 يقول...

الخامسه دائره فاشله

حد القلم يقول...

باعطي البرغش من العجمان و باصوت حق الاقليات عدى الكندري و خل يفيدونه الكنادره و الفيلكاوية

كان الدائرة ما فيها غيرهم حضر

اما الشهادات ترى اغلب المشحين شهاداتهم مشترى عدى دكاترة الجامعة هذول شهاداتهم حقيقية

ترى الفلبين و تايلند و ماليزيا دكاترتها يدرسون بامريكا مو أي شي الاونطه مصر و الاردن و روسيا الي تنباع الشهادة بشوارع موسكو و القاهرة

واحد من الربع خذا شهادة اونطة من القاهرة و الحين ضابط اختصاص بالمطافي .. !

كويــتي لايــعه كبــده يقول...

بعد إذنك بو فهد...

محاولات من "ارفع المستويات" لطمطمة تحقيق في شراء أصوات بالدائرة الثانية من قبل احد "الكباريه"ء

ليتحقق من يشاء وينشر من يريد محاربة الفساد

الجرايد صار لها يومين ساكته
وهذا وقت المدونين

جبل واره يقول...

eng-q8
بصراحه اشوفها دائرة "حامية" واتوقع نتائج غير متوقعه خصوصاً اذا علمنا ان البعض يفكر بعدم الالتزام بالفرعية ( اتمنى هالشي ) !!


ابن زيدون
صوتك وانت حر فيه .. ان شاءالله تعطيه "مطلق الدولي" انت حر
واهل الشهادات "الفالصو" الله يهنيهم على اكل السحت بالدنيا والله يعينهم على اكل الجمر بالاخره ..


كويتي لايعه جبده
عندك ايميل المدونة تفضل خذ راحتك وقول اللي تبي واي معلومات نتشرف فيها وراح ننشرها بكل حياديه .. وراح انزل الخبر بالمدونو على ذمتك :)

بنت الشاميه يقول...

مسكين شكله معورينه ..وهاينينه وايد
تراولى مصيح صياح الى ان قال بس
والله كسر خاطرى
=====
ابى اخرج عن الموضوع شويه

لما سئلت المفتاحه الانتخابيه لدعيى الشمري.....شهادته الدكتوراة فى اى تخصص....قالت يعنى شنو...؟؟؟؟؟

قلت لها ابى اعرف تخصصه بشهادته الدكتوراة ومن اى جامعه حصل عليها..؟

ردت علي من جامعة الكويت....قلت لها متاكده من جامعة الكويت
ردت مرة ثانيه نعم من جامعة الكويت
قلت لها عندج قلم احمر.....مسحى اسمى من كشوفكم كلها ولا احد يدق على منكم
الجذب له حدود.....على الاقل احترمى عقلى....وتدقون وتجذبون بعد
ترد على ليش اختى شفيج ليش ما تصدقينى
======
وانتهى الحوار
والله شككتنى فى معلوماتى
بالله هذا شلون اعطيه صوتى...!!!!!ء

غير معرف يقول...

علشان افيدك بس
اسمه قبل الغزو كان جاسب الشمري
بعد التحرير صار جاسم

و الدكتوراه سالفه عووووده و مقصه

و يقول كانت في الاعلام و بالتحديد رسالته تخصصت في دور الصحف الكويتية أثناء الغزو!!!! بالله عليك كان اكو صحف؟ السياسة اعدادها اطلعت من السعودية و الانباء من مصر بس كانت صفحاتها قليلة و قراءها كذلك

صوت الكويت بس في لندن كان لها شوية دور

بس الي بفهمه اكو جامعة محترمة تقبل هالموضوع اساس لرسالة دكتوراه؟

حسب ما اذكر قال انها من مصر...بس هم اشك

Blog 3amty يقول...

أذكر مره سألوه وجاب :

دكتوراه بالإعلام من أمريكا !!

غير معرف يقول...

الحين وقف سؤالك علي من وين ماخذ الدكتوراه مالته..؟ الشغله واقفه عليه ..؟
يااخي شوف شملان العيسى من وين ماخذها او الدكتوره الفلانيه .. ثلاث ارباع دكاترك ماخذينها بالفلوس خلوا الطبق مستور وايد احسن.

سلطان يقول...

موعيب عليكم حاطين صوره الرجال وانتم بالأساس ماتعرفون منوو صج قله ادب وحثاله المجتكع هالرجال انتم كلكم ماتوصلون مواصيله والرجال مو في شكله بـأفعاله بس انتم لااشكل ولاا افعال