3‏/4‏/2008

نتيجه فرعية العجمان في الخامسه

++ تحديث ++
نتائج فرعيه العجمان في الخامسه
فوز د.محمد الحويله ابن النائب السابق هادي هايف الحويله
و عبدالله شرفان العجمي العضو في المجلس السابق
وعبدالله برغش العجمي وهو سلفي ومدعوم من التجمع السلفي
ومحمد العبيد
وجميعهم مرشحين سابقين خاضوا الانتخابات ولم يحالفهم الحظ الا عبدالله شرفان كان عضوا في المجلس السابق
يقال ان محمد العبيد شوهد في اللجنه الاصليه التي يرأسها ناصر فهيد آل هادي
الداخليه استنفرت بعد النتائج ولم يكن السبب الانتخابات الفرعيه ولكن لأن احد افرادها ( ناصر كاظم ) طلب الدعم بعد ان صدمت سيارته من شخص متعمد واصيب برضه
1:42 ص
--------------------------------
الدواسر انتهوا من فرعيتهم وفاز العضو السابق حسين براك الدوسري ولحد يسأل شلون ووين ومتى .
العوازم بلشوا انتخاباتهم الفرعية والنتائج يوم السبت .
الهواجر فرعيتهم يوم السبت .
------------------------------
العجمان خطه فرعيتهم معقده جدا
الفرعية غدا الجمعة وراح تكون بــ 20 دوانية
الطريقة هي ان يدخل ( الناخب ) ويقعد بالدوانية شوي بعدين ينزل سرداب يكون فيه شخص معاه تلفون ، يتصل على شخص ثاني بمكان مجهول ويكلمه ( الناخب ) الشخص الي على التلفون يعطيه اسماء المرشحين وارقام معينه لهم مثلا خالد العدوه رقم 1 ، محمد الحويله رقم 2 وهلم جرا ، بعدين يصكر التلفون ويعطي الشخص الي قاعد ارقام معينه المفروض ان الي قاعد مايعرف الارقام هذي تمثل اي مرشح لأن الشخص المجهول في التلفون يغيرها بكل مره .
كل اعضاء اللجنه حلفوهم بعيالهم واهلهم وربهم ودينهم وكل شي يخطر على بالكم حلفوا فيه ان ما يصير اي لعب في الانتخابات الفرعيه .
بصراحه خطه عجيبه انا يالله فهمتها ولكن ما اعتقد اني عرفت اشرحها عدل .
ان شاء الله بمجرد ما تطلع النتائج راح ننشرها بجبل واره لأن العجمان الاربعة الي يفوزون بالفرعيه اهم واصلين لمجلس الامة اذا ما نزل احد من ابناء القبيلة وطنش الفرعي .
------------
عوده للتجمع السلفي
في الدائرة الاولى اضيف اسم الدكتور عادل الدمخي ممثلا للتجمع وذلك بعد انسحاب هشام الصديقي بضغط من علام الكندري
وفي الدائرة الثانيه حسم امرها خالد سلطان وعبداللطيف العميري ممثلين للتجمع السلفي

هناك 6 تعليقات:

kila ma6goog يقول...

تخرع انتخابات هالسنة

Q8i Blogger يقول...

احس السلف وايد شايفين روحهم أقويه
يعني الأولى وعلى تقسيمه قبل ماكان يطلع من مناطقها ولا سلفي
الحين منزلين اثنين اشحقه !!!

المفروض 1 بكل دائره .. ويلعبون على التحالفات والاصوات الثلاثه الي عندهم .. ويقدرون يوصلونهم كلهم
أو على الاقل الثالثه بس الي ينزلون فيها اكثر من واحد

اما الباجي .. فحرام الصراحه !!!

جان زين مع نتايج الفرعيات تعطينا مختصرات على الفايزين
يعني هل مدعومين من تيارات ثانيه .. مثل حدس او سلف او غيرهم ...

شكرا

كويــتي لايــعه كبــده يقول...

شرحك شويـــه يبيله شرح
:)

Eng_Q8 يقول...

وين وزير الداخليه خل يبوسك :)



بس ما قلتلي شلون ووين ومتى ؟؟؟؟


يعطيك العافيه

ABO BANDER يقول...

واحد مترجم وصلحوااااااااااااااااا

هذيان يقول...

أكيد العجمان ما كانت حاسبه حساب الداخلية ولا تصريحات رئيس الحكومة الأصلاحي حيل ,,, وأكيد الداخلية تدري والحكومة تدري بس ليش أسكتوا
مو قلنا الحكومة تعرف القانون إذا بغت تأزم
أو خافت يحجون بسالفة التجمهر اللي صار وحقيقته والجم واحد اللي أنحطوا بالتجمهر عشان يثيرون المشاكل وأقدروا

حكومة عيب ترى كل شئ يطلع
هالمرة ما اضبطوا ربع الحكومة وانكشفوا حيل ؟؟؟
عزيزي بوحامد الحكومة لو فيها خير جان مش هذة تصرفاتها
إلا شخبار اللي أفتعلوا الأزمة بالتجمهر
أسالوا الحكومة
وإلا أقولك سالوا جابر المبارك !!!!!
وعوافي للعجمان
مع هيك حكومة لازم هيك تصرفات