21‏/7‏/2007

مبروك علينا القبض على سفاح حولي وتحقيق مكسبا امنيا تاريخيا





والله لو كنت اعلم ان موضوع اسد حولي و وحش حولي الي طلع اسمه حجاج السعدي عسى الله ان لا يكتب عليه نعمه اداء فريضة الحج ولا يسعده لا دنيا ولا آخره ، اقول لو كنت اعلم ان موضوعي سيكون بعده باقل من 48 ساعه القبض على وحش حولي لكنت كتبته قبل ان يبدأ حجاج بعملياته .



السفاح كان متوجه الى الاقصر اطالع الله عمره مزيدا ومزيدا ولا اقصر عمره ان شاء الله حتى يذيقه اشد العذاب في سجن طلحه وحتى يغتصبه هناك المساجين ويكسرون خشمه ، عاد ان شاء الله مساجينا مثل الي نشوفهم بالافلام الاجنبية ، اي واحد مغتصب اطفال يدخل السجن كانوا يلعنون خير خيره .



لو كنت قاضي لأمرت بان يرمى وحش حولي بسوق الجمعة واجمع اهالي الاطفال واخليهم يطلعون حرتهم فيه ويشربون دمه ويحققون امنيتهم بالشرب من دمه .



اضحكتني كلمه تحقيق مكسب امني تاريخي !!



واجبكم هذا يا عمي تكفون بسكم ديكور .



الشيخ ناصر المالك من زمان خل بو سيقار يستريح وباشر الموضوع اعمل بصمت عمي لكن حقق نتائج وبيض الله ويهك .


شكرا لحماة الوطن الأشاوس
وشكرا للآن مصدر الخبر عسى ان يكون صحيحا وليس كالثلاث مرات السابقة ان شاء الله هالمره ثابته .


الصوره لا علاقه لها لا بالوحش ولا بالاسد

هناك 19 تعليقًا:

Ms. Sarah يقول...

el7amdilla 3al salama.. 9adoooh... enshalla sij hal marra...

and i agree, lo 3indina il sijin mithil ili fe prison break mathalan, chan rawooh 9an3 Allah lol

bo9ali7 يقول...

wa ta3thm fe 3ayn al9a'3eer 9i'3aruha..o ta9'3r fe 3ayn al3atheem al3atha2emu

la t7aty ..binl3en 5ayrah belsijn

غير معرف يقول...

اشوووووووووه

صادوووووووووووه

Mohammad Al-Yousifi يقول...

مشكلة سالفة الاغتصاب و خصوصا الأطفال انها سهلة و ممكن تتكرر , خصوصا مع وضع العمالة الموجودة بالكويت

ماكو فلوس و عايشين عشرين واحد بغرفة و اكيد مقحطين

فماكو مفر الا اوكار الدعارة او
الاغتصاب

please remove the word verification < it sucks

barrak يقول...

جكوه

Fahad Al Askr يقول...

والله الخوف يا بو حامد لا يكون كل هذا دقة

غير معرف يقول...

يعطيكم العافية و مبروك على صيدة هالمغتصب
و الفال للحرامي العـــود صاحب جريدة الوطن

بو حامد يقول...

Swair
لا صج صج جنه صج ، بس ما يندرى بعدين يمكن يطلع دقه .

bo9ali7
قد قالها من قبل ابا الطيب احمد واليوم انشدها وبها اتردد
على قدر اهل العزم تأت العزائم
وتأت على قدر الكرام الكرائم
وقفت وما في الموت شك لواقف
كأنك في جفن الردى وهو نائم
تمر بك الأبطال كلمى هزيمة
ووجهك وضاح وثغرك باسم

والله يسمع منك ويرجعوله ايام ماضيه وهوا صغير .

kila ma6goog
خل يروحون جليب الشوخ دعاره على 10 دنانير ولا ان يهببون الهباب المنيل ده ، ويا سيدي افكر اسوي حمله لمعالي وزير الداخليه عشان ياخذ بصمه لكل نفر يجي داخل كويت ولا لكل بني آآآدم يوودخوول الكوييييت .

وماعرف انجليزي :>
بس اعرف لغة ( القرءان او القرآن ) كيفك مابي ازعلك اختار الي تبي .


barrak
نعم وسجوا انجاز بارك الله فيهم .

fahad al askr
انا ان مت فيكم يا شباب شاعر يرثى شباب العسكر اذا دقه راح استجوب حسني مبارك .

عتيج الصوف
مبروك لنا هذا الانجاز جميعا فعلا شيء نفتخر فيه ويسجل باسم الكويت في المحافل الدوليه .
والعود آبلني اذا حاشه شي طال عمرك .

Q8DOLL يقول...

ياشين التشيحط عالفاضي
اي قواهم الله مومشكله
بس نسوا انهم يدورونه من شهر 2 ؟؟
والديره كله شبرين
يعطيهم العافيه بس والله عيب يسوون كل الديكور على قولتك
الله يعافيك بوحامد بغيت منك طلب
لما الواحد يحط لك تعليق ترى وايد عباله
في أحرف لازم نحطها قبل لا نرد
Word Verification

حاول تسهل الموضوع :)

بو حامد يقول...

بو سلمى فهمتك ،، استخدمت القياس :>

كلام q8doll وكلامك

احد يتطوع يعلمنا نشيله الي ماعرفش اسمووو ايه ونكون له من الشاكرين :(

Unknown يقول...

البركة بجهود الابطال المجهولين

بنت الكويت يقول...

أخيرا صادوه

ومثل ما قلت مال يحطونه ويخلون الأهالي يتوحدون فيه وبردون قلبهم

غير معرف يقول...
أزال أحد مشرفي المدونة هذا التعليق.
3atreis يقول...
أزال المؤلف هذا التعليق.
3atreis يقول...

عفيـا عليهم
هذا مال تعزير حتى يكون عبرة

.,’

بس اللي لاحظته
انه اخوانا المباحث صورهم مرززة
أكثر من المجرم بزاتووه

هوهّ فيــ إيـه .,!

.

كويتيه مقهورة يقول...

مع سعادتنا على القبض على هالمجرم

لكن أحس قلبي ناقزني وأحس بيطلع

بحجة مرض نفسي ولاأسباب أخرى مختلقه

بسبب ضغوط مصريه خاصه الأعلام المصري

وخاصه قناة المحور تبنة قضية هالسفاح

وأظهرته بمظهر القط الوديع وأظهرت عائلته

وهي تطلب رفع الظلم عنه أصبح الظالم مظلوم

بقدرة قادر أتمنى أن يكون الحكم بنفس الصرامه

التي أعتدناها حتى على الكويتين والتاريخ يشهد

وألا لوتساهلنا مع هالجرم شيفكنا

من صعايدة حولي اللي مايقضبهم غير الخوف

وألا باجر ناطين بكل بيت

أسفه على الأطاله بس من قهري

غير معرف يقول...

اهم شي انهم صادوه
صحيح انهم طولوا لكن هالشي ما يعني فرحتنا باعتقاله
قواك الله يا اخوي واحنا بانتظار بوستاتك
اخوك بوعلي

غير معرف يقول...

اولا مبروك للشعب الكويتي على هذا الخبر وانشالله ترفع به اقصى العقوبات وانشاللله نشوفه معلق بقصر نايف


لكن المشكله فى الجهاز الامنى بالكويت اللى هذا الدرجه من البطء اللى هذا الدرجه مجرم مغتصب اكثر من 18 حالة والقضيه صارلها اكثر من 8 شهور وما قادرين يصيدونه الا عن طريق الصدفه..؟؟ ... اهذا جهاز امنى يستحق ان يدير بلد ائكمله

ما نقول الا الله يحفظ الكويت واهلها

Q8DOLL يقول...

مرحبه أخوي بوحامد
انسى الإيميل اللي طرشته ترى ماكنت مسويه ريفريش ومايطلع لي الكومينت بوكس فعبالي لاعب بال
settings
ياشين اللقافه :)
كنت ابي ارجع اعلق عالموضوع
هالصحافه السخيفه وخصوصا الوطن
يعني مسوينه نجم هوليوودي على هالمقابلات
حتى عمه مسوين لقاء معاه ومبدي رايه الحكيم بالقضيه واللي اهوه انه مش مصدق ان ابن اخوه يعمل كده
المصيبه مسوين منه مسلسل مدبلج كل يوم قصه
ترى السالفه مصخت
وبعدين لعنبو داره شفته شلون مصور ؟؟
شفت شلون نافخ صدره الأخ
ولا مطقوق ولا مفلوع
لو اهوه بمصر جان ماشفت له ملامح اساسا
شهالحنيه اللي طابه فيهم ؟؟
اللي اعرفه انه طراقهم ببيزه ؟