15‏/9‏/2008

سعود صاهود يعد العده لمجلس الامه

بدايه كل عام وانتم بخير ، ومبارك عليكم باجي الشهر ، واسمحولنا على التقصير في الردود ، وايضا في الكتابه على الرغم من وجود مواضيع كثيره تستحق التعليق ومواقف كثيره تحتاج الى وقفات ولكن .... هي الدنيا .
نترقب كما تترقب الشعوب الاسلاميه والعربيه كافه افتتاح موقع رجل الاعمال الكويتي سعود صاهود المطيري -كما يحب ان يسمي نفسه- وذلك لنعرف اخباره وشلونه وشمسوي وعساه مرتاح وايضا حتى نستفيد وتستفيد حكومه الكويت من اخر مشاريعه وصفقاته .
نوافيكم باخر اخباره عفى الله عنه .
ينوي السيد صاهود ان يــخوض مضمار الانتخابات وبدأ باعداد العده لذلك مستعينا بمفاتيح نواب مخضرمين منهم السابقين ومنهم الحاليين وعلى سبيل المثال لا الحصر مفاتيح السيد عصام الدبوس والسيد جمال العمر والسيد وليد العصيمي اطال الله اعمارهم .
وطبعا من الاسماء المرموقه للنواب السابقين لا نستطيع الا ان نرفع شعار الاخوان ابناء الدائرة الثانيه ( الخامسه ليست للبيع ) ولكن ممكن تكون للأجار مده 4 شنوات على حسب المبلغ .
المتوقع ان يجتمع اصحاب المشوره والرأي السديد مفاتيح السيد صاهود خلال الايام القليلة القادمة وسيكون عربون الصداقه خط تلفون وسياره لكل مفتاح واذا طلع المفتاح قفل فاعتقد السيد صاهود ماراح يتغشمر معاه لأن مولاقي فلوسه بالشارع صج ان باقل من شهر ربح 12 مليون من بيع مجمع الفنار لكن هذا ان دل يدل على ان السيد صاهود عقليه فذه سيستفيد منها مجلس الامه وسيكون اضافه للمجلس ولن يكون مجرد شخص متبتب قاعد على كرسي اخضر.
الى ان يفتتح السيد صاهود موقعه الالكتروني كونوا بخير .

هناك 11 تعليقًا:

Fahad Al Askr يقول...

ليش الشقى، بفلوسه يشتري له نائب بنظام الراعي الرسمي ويفط راسه من الدندنرة

eShamiYa_RockS يقول...

ما أظن بيرشح نفسه..شيبي باللوية و عوار الراس..

و ان رشح نفسه فهو غلطان..


و أدري الكثيرين راح ينتقدونه بالتعليقات و اتمنى أنها تكون لأسباب غير الغيرة و الحسد أو لأن بنظرهم ما يستحق الفلوس اللي عنده لأسباب طبقية

Fashionista يقول...

سعود صاهود فلم كوميدي

حسام بن ضرار يقول...

يعني مو مفكر ينزل بالضاحيه؟

"شر البليه ما يضحك"

Mishari يقول...

ليش عوار الراس والشقي على قولة بو عسكر
اشتري حدس والا ادعم الشعبي ويصيرون معاي كل شى ابيه يمشونه لي

ما عسي اشتري شى الا كتب عليه ملك سعود صاهود المطيري

Eng_Q8 يقول...

الي اعرفه انه يبي ينزل اخوه والله العالم

يعقووبوو يقول...

فتحت السايت وشفته
وياليتني ماشفته..

ليش شايل الشنب؟
يعني ولد بطنها؟

صاير شكله مو ريال :X

ZooZ يقول...

بعد هذا اللي ناقص
شتبي تناقش أي موضوع ببالك
بتصير مع منو ولا مستقل بنفسك
شنو القضية اللي بتدش عشانها
ولا ببالك حماية الشعب!!
بابا اخلصك
ما تبي تصير شيخ؟

ام الهيماني يقول...

سعود صاهود ...في تيه تلقفها تاك انه حرامي،انا اعرف ابوه واخوانه ناس محترمين على قد حالهم ساكنين في الرقة ، واخوانه كلهم دينين ومقاطعينه من سنين بعد سوالفه اللي تسود الوجه، وثروته جمعها بالربا ،

Alsager يقول...

ماذا يريد الانسان لتحقيق أحلامه كلها ؟؟ حسب اعتقادي تكفيه 100 مليون
ولكن ان زاد عن هذا المبلغ يصبح تكديس للأموال

و بما ان الحجي صار راعي تكديس
فالمال للحفاظ عليه يحتاج السلطة

ولا نكتته اللي اتحفنا فيها عن بدايته
من عسكري لي شريطي سيايير و بعدين عنده 6 محلات بيع سيارات و بنك يعطيه 6 مليون دينار بضمان المحلات !!! يبيع سيارات مطلية ذهب ولا مكاين ألماس؟؟ شدعوه 6 مليون

انا اقترح نسوي مجلسين بالديرة واحد للتجار و واحد للفقارة مع تءبيق لنظام الكوتا و الاحتراف الداخلي يعني لازم بمجلس التجار 3 فقاره عشان يناشبونهم عالخفيف و مجلس الفقاره نحط لهم جم تويجر "تاجر صغير بالول مو هامور" عشان يصير في حركة بمجلس الفقاره يحءون حرتهم فيه لماا يستتغنون و يصعدون درجة اولى مجلس التجار و ايونهم شوية فقاره يناشبونهم جذي تمشي الحياة الديمقراطية بكل سلاسة

كويــتي لايــعه كبــده يقول...

"سعود صاهود يعد العده لمجلس الامه"

يا فرحتنا!!!
بالفعل هذا اللي كان ناقصنا

وبما انه يحرص على مفاتيح "عصام الدبوس و جمال العمر و وليد العصيمي"... لا بالله كدينا خير!

تهقى اللي يغسل لهم يدعمونه للوصول للمجلس؟؟؟