******
هذرة قبل الأمساك
هل صحيح ان مجلس الوزراء هد كل شغله واشغاله ويفكر يصدر قرار لزيادة رواتب المعلمين الوافدين ؟؟
على شنو بعرف يزيدون رواتبهم !! ؟؟
مش حسد ولا قطع ارزاق بس على الأقل يكون فيه مقابل !!الكل يعلم ان التعليم عندنا مستواه جداً متدني خصوصاً بعد ماكثروا مدرسين ( زس از ) ومدرسين اللغه العربيه الي يحولون الـ(ذ) الى (ز) !! هذي حاله عاد
!! بكل فخر واعتزاز نحن الدولة الوحيدة بالعالم الي مدرسين وزارة التربية فيها ينشرون اعلانات دروس تقويه في الجرايد اشكره
يعني لو مستوى التعليم عندنا مرتفع ونسبة النجاح عالية اقول لا والله المدرسين الوافدين مو مقصرين واخرجو لنا جيل متسلح بالعلم
وكوادر علم "اوادم" مش جيل يتأتأ بالقراءة وهو خريج ثانويه !! ي
يعني لو فيه مقابل للخدمات الي قدمونها لا بالله زيدوهم عليهم بالعافية بس اللي نشوفه الحين انها التدريس صاير تأدية واجب علشان المعاش مش حباً في التدريس ولا حباً في حرنا الجميل
الزيادة هذي الي تبون تعطونها المدرسين الوافدين مو الشعب اولى فيها ؟؟؟
يعني هالـ50 دينار الي ذليتوا الشعب فيها وطلعتوا على عين امه مصطلحات يديده ( عجز اكتواري) وخلت وزير المالية يصرخ ويقول مايصير يا جماعة ترى راح نموت من الجوع ولا نقدر ندفع معاشات المتقاعدين بعدين !! خلتنا بصراحه نحس ان هالخمسين راح تخلينا نرد ايام الغوص والرعي !! قلنا بلاها هالـ50 اللي راح تخلي الشعب يشحت
ياحكومة الكاس حالي جداً ويجيب السكري والضغط !! لذلك رأفةً في شعب انهكته الامراض
هناك 17 تعليقًا:
It's your country & all.. bas don't you think your beinh kinda racist dude! This is rezq...
عزيزي بو فهد
لا تنسى تضيف المجموعة الجديده
مالت
بكولك كوم ولاه
أكعد مكانك سد نيعك لما بحكي
الترجمة
اقولك قوم يا ولد
اقعد مكانك و صك حلجك لما اتكلم
شوف طال عمرك و عمر القرائ انا اقول حكومتنا المجيدة قاعده تشوف شي احنا ما نشوفه
اشلون انها بتزيد رواتبهم علشان ما يعطون دروس خصوصية
خير ان شاء الله
الحصة على عشرين و عشرة
هذا غير الراتب اللي ما يحلم لا اهو ولا اربعه متخرجين معاه بمعاش واحد منهم
اما الخمسين للكويتيين على شنو يعطونا خمسين
ترى احنا ما نستحي باكر بنقولهم عطونا بعد فقالوا لا نعودهم
والله هذي نظرية البعض
شوف انا ما ابي زيادة الخمسين
خل يحولون الخمسين اللي بيعطونها كل مواطن الى دعم منتجات و تخفيض
علشان يعرفون هالخمسين اللي بيعطونها المواطنيين و ين بتروح
و الله على قولة الوالد عيب عيب اللي قاعدين يسوونه
صج الشكر موصول لك يا بوفهد انت اللي عطيتنا هالكلمات اللي حركت اللي فينا ربك يعيين
اطعم الجيب تستحي العين
بعدين يا اخي عادي تعودنا على النوعية السيئة من المدرسين علشان يربحون اصحاب المدارس الخاصة
اللى كل ما لهم ويرفعون رسومها
صراحة أعتقد ان الزيادة يجب ان تكون للكفاءة و اللي يستاهل
أما زيادة الكل مرة وحدة و خلط من يعمل بمن يكبر المخدة فهذا غير مستحسن سواء للوافدين او الكويتيين
طبعا هالكلام ما يمشي مع بو صباح
انا اقول لا تعور راسك
تره ملينا واحنا انحجي ولا نسمع غير صدانا
thanx 4 enter-q8 3la el new look cuz mashala verry nice o0 ysatahel walah..
----
بعدين من صجك @@
والله حرام اللي قاعد يصير ياخوي وانت صاج بالخمسين ذلونا والحين من غير شكاوي بيعطون الوافدين ؟
صح في ناس تستاهل بس مو كثير
اقلية كبيرة اصلا
من ناحيتي اعارض هالشي ولو اني تعبت من المعارضة والله
ويعطيك العافيو يابو فهد ماتقصر
والشكوى لله
حلو التصميم مع الكلمات الروعه
على شنو يزيدونهم
من صجهم هذوله فوق معاشهم ياخذون دبلات على الدروس الخصوصيه
وجان زين تدريسهم منه فايده
اهو الاستاذ او الابله مو فاهمه شتقول
واهي يات عالخمسين بس الله كريم
واي ازيدك من الشعر بيت
غير مدرسين ال (زس از) وغير ال (ذ,ز)و غير الي قال عنهم الاخEnter-Q8
بيوبون مجموعه يديده
ولك عيني لييييش ماحلييت الواجب
تريد اقتلك هسه
والله كاسك ياوطن مو حالي لالا صار مر
بس وشحادك عالمر قال اللي أمر منه
ما يقهروني المدرسين
الا لمن ييني واحد منهم
ويومين واهو يتبوسملي ويحاجيني عدل
والثالث
يبي واسطة ليسن ساقط بالاختبار
ولمن تقوله انشالله واشوف
وتطنشه
او تعتذرله ان ما تقدر لسبب ما
يكشر عن انيابه
لول
الله يرحم ايامك يا استاز مستفى
chikapappi
صح كلامك حبيبي هذا رزق ومحد معترض عليه وانا قلت مانحسدهم عليهم بالعافيه بس لازم يكون فيه مقابل !! وفيه امور الشعب اولى فيها !!
enter-q8
مو ناسيهم وحياتك ,, ولا اكو دولة تييب مدرسين لغة عربية من جيبوتي ومورتانيا غيرنا !! :)
والله مانبي الخميس اللي علوّنا فيه نبي خدمات بدالها نبي على الاقل نشوف تنمية بالبلد !! لا مستشفيات نفس العالم لا مدارس مثل العالم وزارة الداخليه للحين مأجرة مدرسة من التربية !! والله عيب
والشكر لك طال عمرك على التصميم الراقي مثلك اخوي انتر
مشاري
يعني لازم الكل يدخل عياله مدارس خاصة !! طيب اكو ناس ما تقدر بيت اجار وسيارات اقساط وقروض وفوق هذا مدارس خاصه !! لا وايد يا مشاري :)
مطقوق
والله ماعاد ندري شنو تبي الحكومة بالضبط !! ولا ندري شنو تصوراتها للمستقبل !! كاسنا حالي جداً يا مطقوق :)
q8i
لقد اسمعت اذ ناديت حيا .. ولكن لا حياة لمن تنادي
Selezya
كلنا تعبنا !!
مادري ليش احس الشعب صاير متشائم جداً !! مايخالف على الأقل نتفائل ونقول القادم اجمل :)
مع ان الوضع ( ما يسرش ) ابداً
حساوية !!
اذا بيبون مدرسين كواوله كملت بصراحه !! لا بعد خلهم يدرسون عيالنا تاريخ بالمره ويلغون فترة الغزو من الحسبان علشان تسبب حزازات بين اخوانا "الهكره" اقصد اخونا العراقيين !!
حمد
ياحبهم حق هالسوالف !! لا لا تقوله تعرف احد بالمطار !! تصير انت وولد الناظر بعينه سواسيه :)
المشكلة انهم يزيدون المعاش حق الزين والشين وبنفس المقدار
وبالتالي نلقى الزين يحبط من هالشئ وما يسعى عقب هذا لتقديم المزيد من الجهد
عيدكم مبارك
وتقبل الله طاعتكم
عيدك مبارك
و كل عام و انتم بخير
وتعودنه بالصحه و العافية
و الكويت بخير
اذا زادة الخمسين سعر الكاس بزيد وماكو فايده
تصميم حلو وكلمات احلا الله يعطيكم العافية
يعني الله يهداك صفينا على زيادة الوافدين... يمعود بلوه بلوه تعييم البدون بالداخليه للأسف ديرة بطيخ وللي يديرونها أردى من البطيخ نفسه. حكومه على البركه و يبون يصيرون مثل دبي و قطر. المشكله لما الغباء و البلاهه يتصورها المسؤول ذكاء و دهاء هنا تكمن المشكله... قياديينا لا يعرفون إداره نفسهم و خل البير مستور
كل عام وانتم بخير
وعيدكم مبارك وتقبل الله طاعتكم انشالله
فتى الجبل
الشكوى لله اخوي هذا الي نقدر نقوله !!
بنت الشامية
عيدج مبارك وايامج سعيده وكل عام وانتي بخير اختي :)
انتر كويت
عيدك مبارك وكل عام وانت بخير وايامك سعيدة :)
انور عبدالله
والله مانبي الخمسين نبي بهالـ50 يسنعون الديرة ولا يأذون الشعب بكلام فاضي وعجز وخرابيط !! والله عيب
rwatan
الشيء بالشيء يذكر يابو طاري الزيادة قلنا الشعب اولى !! بدال ما تصرف على ناس جاية عندك اصلاً لمصلحه متبادلة مش حباً في نن عينك !!
Selezya
كل عام وانتي بخير اختي وعيدج مبارك وايامج سعيده :)
إرسال تعليق